当前位置 : 主页 > E泰生活 >【区区有戏睇】地区戏院回归做街坊生意!【区区有戏睇】地区戏院

【区区有戏睇】地区戏院回归做街坊生意!【区区有戏睇】地区戏院

阅读755
【区区有戏睇】地区戏院回归做街坊生意!【区区有戏睇】地区戏院
自小返学已经有教,「香港地少人多」,土地供应问题係好严重架,君不见特首时时刻刻都提住咩,咁多年嚟都拆唔掂就知呢条难题有几难解。除咗新楼要谂办法奇则尽出喺石屎密林中发大多几个单位,就连电影院都转而向市中心以外嘅地区发展,并改以小型戏院路线迎合街坊需要。站喺升斗市民嘅角度,喂区区有戏院都几好丫。

就喺呢个香港一千一百几平方公里嘅石屎森林,一共有 18 个区,而戏院总数就有 47 间;当中 13 间位于港岛、19 间于九龙、15 间于新界。理所当然,大部分戏院集中于市中心地区,单单油尖旺区已经有 11 间戏院,而到目前为止,大埔区及北区仍然未有戏院,黄大仙区亦仅得一间戏院。

【区区有戏睇】地区戏院回归做街坊生意!【区区有戏睇】地区戏院
香港仔新势力:MCL 海怡戏院
MCL 2016 年动作多多,连开3间戏院,打头炮嘅就係位于鸭脷洲海怡半岛嘅 MCL 海怡戏院。MCL 海怡戏院面积唔算大,佔地 22,000 平方呎,设有 3 个影院,提供 540 个座位及 12 个轮椅位;其中 1 号院设有 12.8 米阔、5.3 米高特大银幕,另外各个影院亦设有 3D 立体数码播放系统、2K 银幕及杜比 7.1 数码环迴立体声音响系统。细院要悭位,MCL 海怡戏院就採用无机房设计,将放各个影院的放映机改为透过 TMS 服务器连接,由技术人员遥控投映,变相缩减影院后方机房的空间,只需要放置一台放映机即可。无机房设计听落对观众冇乜影响,不过因为戏院所佔空间较少,变相可以较灵活,空间有限嘅屋村商场都可以开戏院,下文嘅粉岭 MCL 逸峰戏院就係另一例子。

【区区有戏睇】地区戏院回归做街坊生意!【区区有戏睇】地区戏院【区区有戏睇】地区戏院回归做街坊生意!【区区有戏睇】地区戏院

MCL 海怡戏院开幕都有优惠,包括在 3 月 23 日至 4 月 20 日,用 $188 做 MCL Club Plus 会员,包你 2 张电影礼劵、细爆谷汽水套餐劵同小食优惠劵,以及 MCL 电影礼劵。另外 4 月 7 日起新院亦会推出长者、学生及亲子优惠,其中长者早场只需 $15,学生戏票 $35,亲子套票(1 张成人 2D + 1 张小童 2D)售 $100,街坊悭返车钱都抵。

地址:香港鸭脷洲海怡路 18A 海怡半岛商场东翼四楼
网址

【区区有戏睇】地区戏院回归做街坊生意!【区区有戏睇】地区戏院
韩国过江龙:筲箕湾 L Cinema
今年 1 月筲箕湾银河广场静静鸡开咗间蚊型戏院 L Cinema,只有 2 间分别 87 个座位嘅影院,合共得 174 个座位,以单一戏院计係全港最细嘅戏院呀!戏院由韩国乐天集团主理,集团旗下喺韩国有超过 60 间戏院,而呢间喺香港第一间戏院。虽然座落平民旧区,但 L Cinema 同样提供 3D 播映系统、4K 银幕及杜比 7.1 数码环迴立体声音响系统,不过目前未设有网站或手机 App,要购票就只能先到 Facebook 专页睇定场次,再亲身落戏院买飞,或者喺院内嘅快速购票机用信用卡自行购票。票价方面,2D 正场为 $60,3D 正场都只係 $75,港岛区嚟讲算平;刚刚上映嘅《蝙蝠侠对超人:正义曙光》2D 版本都有得睇。

【区区有戏睇】地区戏院回归做街坊生意!【区区有戏睇】地区戏院【区区有戏睇】地区戏院回归做街坊生意!【区区有戏睇】地区戏院

依家戏院做紧十送一积分优惠,睇10场戏储积分就会免费送一张戏票。听讲迟吓亦有机会引入会员卡,通行韩国乐天戏院,去到外地都可以储积分,试下去韩国睇戏都几新奇。

地址:香港筲箕湾望隆街银河广场二楼
网址


【区区有戏睇】地区戏院回归做街坊生意!【区区有戏睇】地区戏院
下半年预告:MCL 又一城、MCL 粉岭、AMC 元朗、东涌戏院
上文提到,MCL 今年将会开设 3 间新戏院,除刚刚开张嘅 MCL 海怡外,另外两间就係又一城及粉岭逸峰。前身为 AMC 的又一城戏院预计 6 月开幕,影院数目增加至 8 间,包括一间 VIP 影厅,提供过千个座位。而位于粉岭逸峰广场的新戏院则预计于第三季开幕,设有 3 个影院,为北区第一间戏院。两间新戏院均会採用无机房设计,亦会提供 3D 播映系统。

另外,元朗百老汇结业后,将会由 AMC 接手,预计今年在 Yoho Town 开设新戏院,设 8 个影院,为区内居民重新带来大戏院提供娱乐消遗。另一边厢,因配合商场全新发展计画,东涌东荟城 UA 将于 4 月结业,引来区内居民不满,曾一度联署要求保留东涌 UA;其后东荟城方面表示,新项目将会开设一间崭新的戏院。


【边度睇戏最平?】香港戏院八大奇趣录

上一篇: 下一篇: